Алматы әкімі ГФР Бундестагі халықаралық істер жөніндегі Комитетінің мүшесімен кездесті

17 шiлде 2017 жыл

Алматы әкімі Бауыржан Байбек Германия Федеративтік Республикасы Бундестагі халықаралық істер жөніндегі Комитетінің мүшесі, депутат Генрих Цертикпен кездесті. Тараптар мәдени-гуманитарлық байланыстарды нығайту мәселелерін талқылады.

Кездесу барысында Алматыда «Неміс мәдени орталығы» атты этномәдени бірлестіктің, неміс тіліндегі «DeutscheAllgemeineZeitung» республикалық газеттің көпшілікке кеңінен танымал екендігі және Қазақстан немістерінің «Wiedergeburt» ассоциациясының тындырымды жұмыстары атап өтілді. Неміс азаматтарының мәдени-рухани мұраларын дамытуға Республикалық неміс драма театры және Қазақ-Неміс университеті зор үлес қосуда. ҚР БҒМ мен GIZ халықаралық байланыс жөніндегі Германия қоғамдастығы арасында жасалғани келісім негізінде Алматының және бірқатар өңірлердің колледждеріде немістің озық тәжірибесі бойынша дуальді білім беру енгізілуде.